يا صخيف الروح يا زين الحلايا
شلت قلبي وارهنه عندك وداعه
ذاب قلبي ذاب وعروقه ضمايا
اشهد إن الوصل خير من القطاعه
وينكم يا اهل المروه والحمايا
افزعوا للي إخذ قلبه دلاعه
ما خذوه اللي على جرد السبايا
والغلا والحب من فوق الشجاعه
أتمنى شوف وردي الشفايا
وانت للطماع ماغيرك طماعه
اشهد ان الموت وسهوم المنايا
في عيونك والنحر من كل ساعه
خل لي يا زين من عقلي شلايا
لو تِمَنَع عنك ماعندي مناعه
انت نور العين من كل النحايا
وانت علة ضامري من دون اشاعه